Über uns

Vom hoch'n Pöllauberg, wo'd scheane Wollfoatskirchn steht

und am Moasnberg as Windradl an Wind verdreht.

Jo wo die Dirndl no im kessn Dirndl tonzn gehn

und die Buam no in der Lederhosn stehn.

Jojo do obn in unsra neign Vulksschul drin,

wo die Klassn und da Turnsol und da Gong neig sin.

Jo wo die Kinda und die Lehrer so guad harmoniern,

ob beim Rechnen, Schreim oda beim Musiziern.

    Jojo da Pöllauberg is unsa Hoamatort

    und drum geh i ah mit mein Herz vo do nie fort.

    Jo wir san froh, dass ma so scheane Hoamat hom

    und a Freindschoft holt bei uns a Lebn long.

Wo die Fischerl den kloan Rauschboch owa schwimmen

und daneben die Felsn sich so hoch erklimmen.

Jo wo'st um die schenen Gärten umi jodelnd wondern gehst

und als Schulkind vor der schenen Hochschul stehst.

Und am Schulhof draus wo'd Zeit beim Spüln so schnö vergeht

ah wennst da wünscht, dass do nua uamol stü steht.

Do siachst eini in des oststeirische Hügellond

und wennst genau schaust bis zur Riegersburgerwond.